Os Vacalouras

Teis - Galiza

Os Vacalouras é unha banda de Punk Rock experimental de Teis. Fundouse no ano 2007 por catro colegas do barrio que compartían instituto. Os seus comezos están fortemente ligados á escena viguesa, na que conseguiron facerse oco e gañarse o seu público. Sen parar de tocar dende aquela, a día de hoxe son moitas as salas, festivais, furanchos efestas do panorama galego nas que estiveron presentes. Se ben a súa música bebe de referentes coma Siniestro total ou o movemento bravú, teñen un marcado estilo propio, caracterizado polas súas cancións pegañentas con letras absurdas cargadas de retranca e ironía. Conservando a mesma formación, na actualidade seguen sacando material e facendo concertos dinámicos e irreverentes que non deixan indiferente a ninguén. En 2021 presentan o seu primero LP despois de varios EP’s, “XUVENTUDE PREXUBILADA” onde contan con diversas colaboracións musicais e a participación do lexendario músico e cantante portugués, Quim Barreiros; dando comezo a unha nova etapa e unha xira que os levará ata os confíns do mundo coñecido e algún sitio descoñecido.