Catuxa salom

Galiza

Catuxa Salom é unha artista galega de raíces arxentinas e unha das voces máis potentes da escena folk electrónica do momento. No seu EP debut Nunha aldea (2022) producido por Marcos Bayón, experimenta coa música tradicional galega, ritmos latinos, bases e loop station, conseguindo unha sonoridade que nos conecta co noso lado máis salvaxe. De Aimogasta ás montañas de Lugo, Catuxa Salom constrúe un relato cargado de simbolismo onde a natureza e o movemento están moi presentes. O seu directo magnético e vibrante prométenos ritmos de baile.