Bia Ferreira

Bia Ferreira

Brasil
Bia Ferreira é unha cantante, compositora, multiinstrumentista e activista brasileira. A súa música, que ela define como "MMP — Música de Mulher Preta", trata temas como o feminismo, o antirracismo e a homofobia. Cun estilo afrodiaspórico, agrega referencias de África con ritmos como a samba, o soul, o R&B, o reggae, mentres que liricamente empurra aos seus oíntes cara á incomodidade, que xera "movemento" ou acción. As súas letras foron descritas como "escrevivência", un termo que usa Conceição Evaristo para "contar as nosas historias dende as nosas perspectivas". Representan a subxectividade dunha muller negra na sociedade brasileira. Neste 2023 presenta o seu novo álbum “Faminta” en formato trío.